Xəbər verdiyimiz kimi, Amerika Birləşmiş Ştatlarının 47-ci prezidenti Donald Tramp olub.
Milli.Az xarici mətbuata istinadən xəbər verir ki, Trampı ilk Salvador prezidenti Nayib Bukele təbrik edib. Təbrik Salvador liderinin "X" sosial şəbəkəsindəki səhifəsində dərc olunub.
"ABŞ-nin yeni seçilmiş prezidenti Donald Trampı təbrik edirəm", - siyasətçi yazıb.
Trampı təbrik edənlər arasında Ukrayna Prezidenti Volodimir Zelenski, Fransa lideri Emmanuel Makron, İsrailin Baş naziri Benyamin Netanyahu, Macarıstanın Baş naziri Viktor Orban, NATO Baş katibi Mark Rutte, Gürcüstan hökumətinin başçısı İrakli Kobaxidze də var.
Qeyd edək ki, Tramp seçkilərdə qalib gəlmək üçün tələb olunan 270 seçici səsi həddini keçib və 277 səs toplayıb.
Nərmin Mahmudova
Milli.Az