Bu gün Tərtər şəhərində baş tutan dəfn mərasimində 1974 - cü il təvəllüdlü Mustafayev Möhübbət Qənimət oğlu torpağa tapşırılıb.
Milli.Az Trend-ə istinadən bildirir ki, şəhidimiz Kəlbəcər rayonunun İstisu qəsəbəsində anadan olub. Milli ordu sıralarında Kəlbəcərin müdafiəsində iştirak edib.
1993 - cü ildə Kəlbəcər rayonunun Bağırsaq kəndində itgin düşüb. Kəlbəcərin işğaldan azad edilməsindən sonra nəşinin qalıqları itgin düşdüyü Bağırsaq kəndində aşkar edilib. Şəhidin qalıqları Məhkəmə-Tibbi Kriminalistika və Məhkəmə - Genetik Ekspertizası zamanı eyniləşdirildikdən sonra ailəsinə təhvil verilib.
Şəhid, Tərtər rayonu Seydimli kənd məzarlığında torpağa tapşırılıb.
Daha sonra Azərbaycan Respublikasının Dövlət Bayrağı şəhidin atasına təqdim edilib.
Milli.Az