Osmanlı imperiyasında ermənilərə qarşı soyqırımının beynəlxalq səviyyədə tanınması Ermənistanın prioritet vəzifələri siyahısında yoxdur.
Milli.Az xəbər verir ki, bunu nazirliyin rəhbəri Ararat Mirzoyan parlamentin maliyyə-büdcə komissiyasında 2025-ci il üçün büdcə layihəsinin müzakirəsi zamanı deyib.
"Erməni soyqırımının beynəlxalq miqyasda tanınmasına gəlincə, mənim prioritetlərimizi sadalayarkən bu məsələyə toxunmadığımdan güman edə bilərsiniz ki, bu, bizim tariximizin faciəvi səhifələrinin öyrənilməsi məsələsi deyil , Erməni Soyqırımını araşdırmaq və ya məsələni prioritetə çevirmək Ermənistan Xarici İşlər Nazirliyinin gündəliyi deyil", - Mirzoyan bildirib.
Onun sözlərinə görə, prioritet vəzifələr siyahısında Bakı ilə münasibətlərin tənzimlənməsi və sülh müqaviləsinin imzalanması, kommunikasiyaların delimitasiyası və blokunun açılması daxildir.
Nərmin Mahmudova
Milli.Az