Azərbaycan kubokunda II təsnifat mərhələsi davam edir.
Milli.Az İdman.Biz-ə istinadən bildirir ki, üçüncü oyun günündə 1/8 finala dörd vəsiqənin sahibi bəlli olacaq.
Premyer Liqa təmsilçilərindən yalnız "Şamaxı" bu gün meydana çıxacaq. Ayxan Abbasovun komandası "Şəmkir"i sınağa çəkəcək.
İki qarşılaşmada I Liqa klubları üz-üzə gələcək. "Mingəçevir" "Zaqatala"nı, "Qaradağ Lökbatan" isə "Karvan"ı qəbul edəcək.
Günə "ASK Arena"da yekun vurulacaq. II Liqa təmsilçisi "Şəfa" I Liqa klubu "Difai" ilə görüşəcək.
Qeyd edək ki, mərhələ sabah başa çatacaq.
Azərbaycan kuboku
II təsnifat mərhələsi
30 oktyabr
14:00. "Şamaxı" - "Şəmkir"
Baş hakim: Kamran Əliyev
Şamaxı şəhər stadionu
14:00. "Mingəçevir" - "Zaqatala"
Baş hakim: Şamil İmanzadə
Y.Məmmədzadə adına Mingəçevir şəhər stadionu
14:00. "Qaradağ Lökbatan" - "Karvan"
Baş hakim: İslam Məmmədov
Lökbatan OİK stadionu
15:00. "Şəfa" - "Difai"
Baş hakim: Vüqar Həsənli
"ASK Arena"
Milli.Az