Azərbaycanda ən baha və ən ucuz kreditlərin verildiyi regionlar

2024-cü il oktyabr ayının 1-nə banklar tərəfindən Azərbaycan iqtisadiyyatına kredit qoyuluşları 26 mlrd. 705 mln. 792 min manat təşkil edib və bunun da 76.8%-i və ya 20 mlrd. 508 mln. 705 min manatı Bakı şəhərinin payına düşüb.

Milli.Az Trend-ə istinadən xəbər verir ki, bu dövrdə banklar tərəfindən verilən ən ucuz kreditlər Bakı şəhəridə, ən bahalı kreditlər isə Dağlıq Şirvan iqtisadi rayonu üzrə verilib.

Belə ki, bu dövrdə banklar tərəfindən Bakı şəhərinə verilən ümumi kreditlərin orta faiz dərəcəsi 11.65%, milli valyutada verilən kreditlərinin orta faiz dərəcəsi isə 13.37% təşkil edib.

Hesabat dövründə Dağlıq Şirvan iqtisadi rayonu üzrə isə banklar tərəfindən kredit qoyuluşu 179 milyon 179 min manat təşkil edib. Verilən ümumi kreditlərin orta faiz dərəcəsi 19.18%, milli valyutada verilən kreditlərin orta faiz dərəcəsi isə 19.21% olub.

Regionlar üzrə kredit qoyuluşları və orta faiz dərəcələri ilə aşağıdakı cədvəldə tanış ola bilərsiniz:

İqtisadi rayonlar	Ümumi kreditlər (Min manat)	Orta faiz dərəcəsi	Manatla olan kreditlər	Manatla kreditlərin orta faiz dərəcəsi
Bakı iqtisadi rayonu	20.508.705	11,65%	16.083.317	13,37%
Abşeron-Xızı iqtisadi rayonu	997.287	15,99%	949.269	16,47%
Gəncə-Daşkəsən iqtisadi rayonu	793.527	16,97%	777.591	17,22%
Lənkəran-Astara iqtisadi rayonu	617.574	18,98%	615.916	19,01%
Mərkəzi Aran iqtisadi rayonu	531.503	18,61%	526.519	18,72%
Qazax-Tovuz iqtisadi rayonu	499.363	18,44%	491.219	18,65%
Qarabağ iqtisadi rayonu	473.097	18,92%	472.402	18,93%
Quba-Xaçmaz iqtisadi rayonu	449.963	17,19%	436.215	17,54%
Şirvan-Salyan iqtisadi rayonu	423.587	18,69%	407.072	19,20%
Naxçıvan iqtisadi rayonu	417.134	14,04%	416.825	14,05%
Şəki-Zaqatala iqtisadi rayonu	356.303	17,03%	317.897	18,25%
Mil-Muğan iqtisadi rayonu	286.072	18,82%	286,067	18,82%
Dağlıq Şirvan iqtisadi rayonu	179.179	19,18%	178.719	19,21%

Azərbaycanda ən baha və ən ucuz kreditlərin verildiyi regionlar - CƏDVƏL