Rusiyanın Lipetsk vilayətində 2 saylı islah-əmək koloniyasından qaçan məhbuslardan daha ikisi region ərazisində hüquq-mühafizə orqanları tərəfindən saxlanılıb.
Milli.Az oxu.az-a istinadən xəbər verir ki, bu barədə Lipetsk vilayətinin qubernatoru İqor Artamonov öz "Telegram" kanalında məlumat verib.
Onun sözlərinə görə, qalan iki məhbusun axtarışı üzrə genişmiqyaslı əməliyyatlar davam etdirilir.
--------
12:48
Rusiyada altı məhkum həbsxanadan qaçıb.
Milli.Az APA-ya istinadən bildirir ki, insident Lipetsk vilayətindəki 2 saylı koloniyada baş verib.
Rusiya Federal Penitensiar Xidmətinin əməkdaşları səhər yoxlanışı zamanı 6 məhbusun qaçdığını aşkar ediblər.
Məlum olub ki, məhbuslar qazdıqları tunel vasitəsi ilə həbsxanadan qaçıblar.
Faktla bağlı araşdırmalara başlanılıb.
Yeli teleqram kanalları qaçan məhbusların Özbəkistan vətəndaşları olmasl barədə məlumat yayıb.
Milli.Az