"Qarabağ" təhlükəli komandadır".
Milli.Az İdman.biz-a istinadən xəbər verir ki, bu sözləri "Ayaks"ın futbolçusu Daniele Ruqani UEFA Avropa Liqasının Liqa mərhələsinin III turu çərçivəsində "Qarabağ"la keçiriləcək matçdan öncə təşkil edilən mətbuat konfransında deyib.
Onun sözlərinə görə, Azərbaycan çempionu taktiki və texniki cəhətdən yaxşı formadadır: "Baş məşqçimizin də bildirdiyi kimi, rəqib barədə kifayət qədər məlumat toplamışıq. Bu oyunda qalib gəlməyə çalışacağıq".
Qeyd edək ki, görüş sabah Bakıda olacaq.
Milli.Az