Dünyada ilk kanalizasiya sistemi eramızdan əvvəlki dövrlərə aiddir və Mesopotamiya ilə Hindistanın İndus Vadisi sivilizasiyalarında ortaya çıxıb.
Mesopotamiyada eramızdan əvvəl 4000-ci illərdə gil borular vasitəsilə yağış sularını və tullantıları idarə edən sistemlər qurulub. Eyni dövrdə İndus Vadisi şəhərləri, xüsusən Mohenjo-Daro və Harappa, müasir dövr üçün olduqca inkişaf etmiş kanalizasiya sistemləri ilə tanınırdı. Bu şəhərlərdə daşlarla örtülmüş kanalizasiya xətləri evlərdən tullantı sularını xaric edirdi və hətta bəzi evlərdə tualetlər belə var idi.
Roma İmperiyası isə eramızdan əvvəl 6-cı əsrdə "Cloaca Maxima" adlanan möhtəşəm kanalizasiya sistemi yaradıb. Bu sistem əvvəlcə şəhərdəki bataqlıq əraziləri qurutmaq üçün açıq bir kanal olaraq inşa edilsə də, sonradan tullantı sularını idarə etmək məqsədilə genişləndirilib və yeraltına keçirilib. Romada tullantıların idarə edilməsi texnologiyası o dövrdə mühüm irəliləyişlərdən biri idi.
Bu qədim sivilizasiyaların kanalizasiya sistemləri müasir şəhər su və kanalizasiya sistemlərinin təməlini təşkil edib.
Milli.Az