ABŞ-da "McDonald's" fast food şəbəkəsində bağırsaq çöpləri infeksiyası xəstəliyinə yoluxmuş bir nəfər ölüb, daha on nəfər isə xəstəxanaya yerləşdirilib.
Milli.Az APA-ya istinadən bildirir ki, bu barədə ABŞ-ın Xəstəliklərə Nəzarət və Qarşısının Alınması Mərkəzi (CDC) məlumat yayıb.
"Oktyabrın 22-nə olan məlumata görə, 10 ştatda "E. coli O157:H7" ştammı ilə bağlı 49 hadisə qeydə alınıb", - məlumatda deyilir.
Mərkəzin məlumatına görə, ilk hallar sentyabrın 27-də qeydə alınıb. 28 yoluxmuş şəxs haqqında rəsmi məlumat mövcuddur. Bakteriyanın yaratdığı hemolitik-uremik sindromun inkişafı nəticəsində Koloradoda bir nəfər ölüb.
Epidemioloji məlumatlara görə, "McDonald's"-a gələn qonaqlar "Kral Çizburgeri"ndən zəhərləniblər. İlkin məlumata görə, bakteriyaların soğanın tərkibində olması ehtimal olunur.
Milli.Az
Xəbərlərimizi WhatsApp kanalımızdan da oxuyun