Livanın "Hizbullah" hərəkatı İsrailin Baş naziri Benyamin Netanyahunun iqamətgahına pilotsuz uçuş aparatı ilə hücuma görə məsuliyyəti öz üzərinə götürüb.
Milli.Az qafqazinfo-ya istinadən xəbər verir ki, bu barədə məlumatı hərəkatın Mətbuat xidmətinin rəhbəri Məhəmməd Afif açıqlayıb.
"İsrailin Baş naziri Benyamin Netanyahunun evinə hücuma görə tam məsuliyyəti öz üzərimizə götürürük", - deyə Afif qeyd edib.
Xatırladaq ki, oktyabrın 19-da Netanyahunun Kesariya şəhərində yerləşən şəxsi iqamətgahına PUA hücumu olub. Hadisə zamanı xəsarət alan olmayıb. Həmin gün Baş nazirin Ofisi hücumun "Hizbullah" tərəfindən edildiyini bildirmişdi.
Milli.Az