Ermənistan parlamentinin sədri Alen Simonyan Azərbaycanın Qarabağda keçirdiyi əməliyyatların BMT qətnamələrinə uyğun olduğunu bildirib.
Milli.Az globalinfo.az-a istinadla xəbər verir ki, bunu politoloq Qaqik Ambaryan yazıb.
O, Simonyan 2018-ci ildə Ağdamda çəkdirdiyi fotonu xatırladıb:
"Simonyan 2018-ci ildə Aknada (Ağdamda - red.) nar tutaraq foto çəkdirəndə o qətnamələrdən xəbəri yox idi?
Simonyan heç qətnamələrin sayını da bilmir. O, sadəcə yalan və manipulyasiya ilə məşğuldur".
Qeyd edək ki, Ermənistan parlamentinin sədri Alen Simonyan "Azatutyun" radiosuna müsahibəsində Azərbaycanın Qarabağda BMT qətnamələri əsasında əməliyyat keçirdiyini bildirmişdi.
Milli.Az