Şəkərli diabet və qan şəkərinin səviyyəsi ilə bağlı digər xəstəliklərdən əziyyət çəkən insanlar müəyyən pəhrizə riayət etməlidirlər.
Milli.Az lent.az-a istinadən xəbər verir ki, insanlar şəkər səviyyələrini idarə etmək qabiliyyətinə malik qidalar haqqında mütləq bilməlidirlər. Bəs, bu qidalar hansılardır? Onları təqdim edirik:
Brokoli
Brokolini doğramaq və ya çeynəmək şəkəri azaldan xüsusiyyətlərə malik aktiv tərkib hissəsi olan sulforafanı əmələ gətirir. Bu məhsul insulinə həssaslığı artırır, qan şəkərinin səviyyəsini və oksidləşdirici stress markerlərinin səviyyəsini azaldır. Brokoli çiy və ya yüngül buxarda bişirilərək yeyilməlidir.
Dəniz məhsulları
Balıq və digər dəniz məhsulları zülal, sağlam yağlar, vitaminlər, minerallar və antioksidantlarla zəngindir. Onların hamısı qanda qlükoza səviyyəsini normal vəziyyətə gətirir və sizə uzunmüddətli dolğunluq hissi verir.
Balqabaq və balqabaq toxumu
Balqabağın tərkibində çoxlu miqdarda lif, polisaxaridlər və antioksidantlar var, yəni qan qlükozasını tənzimləmək üçün əladır. Bununla belə, alimlər balqabağın müalicəvi xüsusiyyətlərindən zövq almaq üçün onun hazırlanmasında hansı üsuldan istifadə etməyin daha yaxşı olduğunu hələ bildirməyiblər. Balqabaq toxumu da qan şəkərini azaltmağa kömək edir.
Fıstıq və badam
Söhbət qanda qlükoza səviyyəsinin daha sabit olmasına kömək edən badam və fıstıqdan gedir. Onları həm əsas yeməkdən sonra, həm də boş bir mədəyə yeyə bilərsiniz.
Kətan toxumu
Kətan toxumu qida maddələrinin əsl anbarıdır. Onların tərkibində bədən üçün lazım olan çoxlu lif və yağlar var. Bunun sayəsində kətan sağlamlığa müsbət təsir edir və diabetli insanlarda qan şəkərinin səviyyəsini azaltmağa kömək edir.
Milli.Az