Azərbaycan Dillər Universitetinin tələbələri 3 aydır ki, təqaüd ala bilmirlər.
Milli.Az-a bu barədə universitetin tələbələri bildirib.
Onlar iyul, avqust və sentyabr aylarının təqaüdünü hələ də almadıqlarını qeyd edirlər.
Bununla bağlı universitetin mətbuat xidmətinin rəhbəri Cavid Zeynallı Milli.Az-ın sorğusuna cavab olaraq bildirib ki, təqaüdlər iki gün ərzində veriləcək:
"Gecikmənin səbəbi yeni tədris ilinin başlanması və tələbə kabinetlərində işlərin yekunlaşması ilə bağlıdır. Təqaüdlər iki gün ərzində veriləcək" .
Nərmin Mahmudova
Milli.Az
Xəbərlərimizi WhatsApp kanalımızdan da oxuyun