13:03
Qazaxda minaya düşən şəxsin vəziyyəti açıqlanıb.
TƏBİB-dən Milli.Az-a bildirilib ki, 14.10.2024-cü il tarixində mina partlayışı hadisəsi səbəbilə xəsarət alan 1 nəfər (kişi cinsli) Qazax Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.
Məlumata görə, mina partlayışı nəticəsində sağ ayaq nahiyəsindən xəsarət alan 2001-ci il təvəllüdlü şəxsə zəruri tibbi xidmət göstərildikdən sonra tibb müəssisəsinin Cərrahiyyə şöbəsinə yerləşdirilib, vəziyyəti stabildir.
Qeyd edək ki, Qazax rayonunun Quşçu Ayrım kəndi ərazisində 2024-cü il oktyabrın 14-də mina hadisəsi baş verib. Hadisə zamanı kənd sakini 2001-ci il təvəllüdlü Sarıyev İlkin Amil oğlu heyvan otararkən minalardan təmizlənməmiş ərazidə piyada əleyhinə minaya düşüb.
----------
12:44
Qazax rayonunun Quşçu Ayrım kəndi ərazisində 2024-cü il oktyabrın 14-də mina hadisəsi baş verib.
Milli.Az xəbər verir ki, bu barədə Azərbaycan Respublikası Baş Prokurorluğu, Daxili İşlər Nazirliyi və Minatəmizləmə Agentliyinin (ANAMA) Mətbuat Xidmətləri birgə məlumat yayıb.
Bildirilib ki, kənd sakini 2001-ci il təvəllüdlü Sarıyev İlkin Amil oğlu heyvan otararkən minalardan təmizlənməmiş ərazidə piyada əleyhinə minaya düşüb.
Hadisə nəticəsində Sarıyev İlkin sağ ayağından xəsarət alıb.
Xəsarət alan şəxs rayon xəstəxanasına çatdırılıb. Vəziyyəti stabildir.
Hazırda prokurorluq əməkdaşları tərəfindən hadisə yeri müayinə olunur və digər zəruri prosessual hərəkətlər icra icra edilir.
Faktla bağlı Qazax rayon prokurorluğunda araşdırma aparılır.
ANAMA, Daxili İşlər Nazirliyi və Baş Prokurorluq bir daha vətəndaşları təhlükəsizlik qaydalarına riayət etməyə, mina təhlükəsi işarələrinin göstəricilərinə diqqətlə yanaşmağa və bələd olmadıqları ərazilərə daxil olmamağa çağırıb.
----------
11:40
Qazaxda mülki şəxs minaya düşüb.
Milli.Az APA-ya istinadən bildirir ki, hadisə rayonun Quşçu Ayrım kəndində qeydə alınıb. 2001-ci il təvəllüdlü İlkin Sarıyev kənd ərazisində minaya düşərək xəsarət alıb.
O, xəstəxanaya yerləşdirilib.
Milli.Az
Xəbərlərimizi WhatsApp kanalımızdan da oxuyun