10:56
Xəbər verdiyimiz kimi, ötən gün Cəlilabadda ölümlə nəticələnən yol-nəqliyyat hadisəsi baş verib.
Milli.Az qafqazinfo-ya istinadən xəbər verir ki, BMW markalı gəlin maşınının toy karvanında iştirak edən "VAZ-21015" markalı avtomobillə toqquşması nəticəsində rayonun Dələli kənd sakini, 73 yaşlı Xudiyev Əzizağa ölüb.
Ə.Xudiyev gəlini gətirməyə gedən gəlin maşınında yer alıbmış. Bu avtomobili idarə edən isə bəyin özü - Toğrul Əzizov olub.
Qeyd edək ki, son vaxtlarda toy karvanlarında tez-tez qəzalar baş verir. Son dönəmlərdə bunlardan ən ağırı ötən ay Bəhrəmtəpə-Biləsuvar avtomobil yolunda baş vermiş, qəza nəticəsində 5 nəfər ölmüşdü.
Baş DYP İdarəsi də toy karvanları ilə bağlı sürücülərə müraciət etsə də, təəssüf ki, bəziləri məsələyə məsuliyyətsiz yanaşır. İnsan həyatının heçə sayılmasının nəticəsində dəfələrlə toylar yasa dönüb.
------------
2024.10.12
Cəlilabad rayonunda xəsarətlə nəticələnən yol qəzası baş verib.
Milli.Az report-a istinadən xəbər verir ki, hadisə Cəlilabad şəhəri H.Əliyev prospektində qeydə alınıb.
Belə ki, bəy maşını olan "BMW" markalı minik avtomobili "VAZ 21015" markalı minik avtomobili ilə toqquşub.
İlkin məlumata görə, qəza nəticəsində ağır xəsarət alan 1951-ci il təvəllüdlü Əzizağa Əhmədxan oğlu Xudiyev Cəlilabad Rayon Mərkəzi Xəstəxanasına çatdırılıb.
Faktla bağlı araşdırma aparılır.
Milli.Az
Xəbərlərimizi WhatsApp kanalımızdan da oxuyun