Türkiyədə daha bir avtobus qəzası baş verib.
Milli.Az oxu.az-a istinadən xəbər verir ki, bu dəfə hadisə Malatyanın Akçadağ rayonunda qeydə alınıb.
Bildirilir ki, sürücünün idarəetməni itirməsi nəticəsində sərnişin mikroavtobusu yolun kənarındakı maneəyə çırpılaraq aşıb. Hadisə nəticəsində azı 17 nəfər müxtəlif dərəcəli bədən xəsarətləri alıb.
Qəza yerinə dərhal çoxsaylı təcili tibbi yardım briqadaları cəlb edilib. Yaralılar ilkin tibbi yardım aldıqdan sonra xəstəxanalara çatdırılıblar.
Hadisə ilə bağlı araşdırma başladılıb və qəzanın səbəbləri müəyyənləşdirilir.
Milli.Az
Xəbərlərimizi WhatsApp kanalımızdan da oxuyun