Rusiyada həbsxanada cəza çəkən azərbaycanlı kriminal avtoritetə yeni ittiham irəli sürülüb.
Milli.Az lent.az-a istinadən xəbər verir ki, bu barədə Kaluqa Vilayət Məhkəməsi qərar çıxarıb. Məhkəmə 52 yaşlı Azərbaycan Respublikası vətəndaşı olan kriminal avtoriteti AUE ekstremist təşkilatında iştiraka görə məhkum edib.
Məlumata görə, kriminal avtoritet Kaluqa vilayətinin Dzerjinski rayonunun Tovarkovo kəndindəki 3 saylı islah müəssisəsində cinayət iyerarxiyasında ən yüksək vəzifəni tutub. Bu vəzifə ona "qanuni oğru" tərəfindən tapşırılıb. İstintaq təcridxanasında müsadirə edilmiş çoxlu sayda dindirmə, videoyazıları və subkultura əşyalarını öyrənərkən məhkəmə ittihamların sübuta yetirildiyi qənaətinə gəlib.
Məhkəmənin hökmü ilə təqsirləndirilən şəxs törətdiyi cinayətlərə görə 17 il müddətinə azadlıqdan məhrum edilib.
Milli.Az
Xəbərlərimizi WhatsApp kanalımızdan da oxuyun