Türkiyə xəstəxanalarından birinin doğum şöbəsində əlində ov tüfəngi olan qadın bir neçə nəfəri girov götürüb.
Milli.Az oxu.az-a istinadən xəbər verir ki, bu barədə "Shot" "Telegram" kanalı məlumat yayıb.
Bildirilib ki, naməlum qadın Kahramanmaraş şəhərindəki doğum evinin və uşaq xəstəxanasının təcili yardım şöbəsinə silahla daxil olaraq, xəstəxana işçilərini girov götürərək xəstələri təhdid etməyə başlayıb.
Onun heç bir tələb irəli sürmədiyi qeyd olunur.
Hadisə yerinə fövqəladə xidmətlər və Türkiyə xüsusi təyinatlıları gəliblər.
Polis qadını təslim olmağa razı salıb və o, saxlanılıb.
Milli.Az
Xəbərlərimizi WhatsApp kanalımızdan da oxuyun