Azərbaycan Beynəlxalq Bankı artıq 114 min pensiya kartı verib
29 İyun 2012 15:40
Azərbaycan Beynəlxalq Bankı (ABB) 114,1 min yeni pensiya kartının verilməsini təmin edib. Bu barədə Azərbaycan Beynəlxalq Bankının mətbuat xidmətindən məlumat verilib.
ABB istifadə müddəti mart ayında başa çatmış kartların əvəzinə 39,4 mindən çox, istifadə müddəti aprel ayında başa çatmış kartların əvəzinə 62,8 mindən çox, istifadə müddəti may ayında başa çatmış kartların əvəzinə isə 11,9 min yeni pensiya kartı verib.
Bakıda və Sumqayıtda yaşayan pensiyaçılara bank tərəfindən 101,2 min plastik kartın verilməsi təmin edilib. Ölkənin rayonlarında təxminən 13 min kart verilib.