Texnologiya sahəsindəki bloqerlərdən biri "iPhone 16 Pro Max"ın qoruyucu şüşəsinin gücünü yoxlayıb.
Milli.Az lent.az-a istinadən bildirir ki, şirkətin şüşənin əvvəlki modellərdən 50% daha möhkəm olduğunu iddia etməsinə baxmayaraq, sınaq nəticələri o qədər də təsir edici olmayıb.
Məlum olub ki, "iPhone 16 Pro Max"in şüşə ekranı "iPhone 12 Pro Max"dan daha asan cızılır və bu, "Apple"ın marketinq iddialarına şübhə yaradır. Ola bilsin ki, təkmilləşdirmələr yalnız zərbə müqavimətinə aiddir, lakin cızıqlara qarşı müqavimətlə bağlı vəziyyət yeni flaqman üçün daha pisdir.
Qeyd edilir ki, "iPhone 16 Pro Max"da ekranın matrislə dəyişdirilməsi cihazın özünün dəyərinin yarısına başa gələ bilər. Smartfonun arxa hissəsi də cızıqlara meyllidir, baxmayaraq ki, açıq rəngli korpusa görə daha az nəzərə çarpır.
Milli.Az
Xəbərlərimizi WhatsApp kanalımızdan da oxuyun