Holcim (Azərbaycan) ASC Azərbaycanın tikinti sektorunun aparıcı nümayəndələri üçün master-klas keçirdi - FOTO
29 İyun 2012 15:30
"Hilton Baku" mehmanxanasında Holcim (Azərbaycan) ASC sement və beton istehsalı üzrə Avropanın aparıcı mütəxəssislərindən biri olan doktor Yurgen Oeknik-in iştirakı ilə master-klas keçirdi. Tədbirdə iri müştərilər, hökümət qurumları, tikinti sektorunda çalışan aparıcı mütəxəssislər və digər tərəflər iştirak edirdi. Master-klas-ın keçirilməsində əsas məqsəd iştirakçılara sınaq metodologiyalarında yeni istiqamətlər və yeniliklər, həmçinin betonlama işlərinə aid müxtəlif mövzular haqqında, o cümlədən duzların üzə çıxması, yüksək temperatur və bunun həll yolları haqqında məlumatın təqdim edilməsi idi.
Açılış nitqində Holcim (Azərbaycan) ASC-nin baş direktoru Raul Valdburger qeyd etdi ki, Azərbaycanın tikinti sektoru sürətlə inkişaf edir və 100 illik təcrübəyə malik Holcim-in rolu dünyanın 70 ölkəsindən olan yenilikləri və ən uğurlu təcrübələri bu bazara gətirmək və dəyər yaradılması üzrə fəaliyyətini daha da inkişaf etdirməkdir. Bundan sonra müştərilərə sementlər və onlardan istifadə sahələri üzrə dəstək göstərən İstehlakçılara Texniki Dəstək heyətinin gördüyü işlər iştirakçıların nəzərinə çatdırıldı. Həmçinin, tədbir zamanı Holcim (Azərbaycan) şirkətinin həyata keçirdiyi rebrendinq layihəsi, onun beynəlxalq səviyyədə fəaliyyəti və sosial məsuliyyət işlərinə də toxunuldu.
Tədbir və iştirakçıların fikirləri göstərdi ki, Azərbaycan böyük potensiala malikdir və Holcim infrastruktur, ticarət tikintiləri və yaşayış binaları üçün yenilikçi məhsul və həll yolları təqdim etməklə bu inkişafın bir hissəsi olmaq niyyətindədir.
Dünyanın 70-dən çox ölkəsində fəaliyyət göstərən Holcim şirkətində 85.000 əməkdaş çalışır. Şirkət dünyanın aparıcı sement, doldurucu (qırmadaş, çınqıl və qum), həmçinin hazır beton və asfalt təchizatçısıdır.
Holcim - İnşaatda Dünya Təcrübəsi!
Media reliz 
