Rostov vilayətinin Azov rayonundan Türkiyənin Samsun limanına üzən gəmi Don çayında saya oturub.
Milli.Az qafqazinfo-ya istinadən xəbər verir ki, bu haqda Rusiyanın Fövqəladə Hallar Nazirliyi məlumat yayıb.
"Moskva vaxtı ilə saat 13:50-də Vanuatu bayrağı altında olan "Florica" gəmisinin saya oturması ilə bağlı məlumat daxil olub. Gəminin göyərtəsində Azərbaycandan olan 14 ekipaj üzvü var", - məlumatda qeyd olunub.
Bildirilib ki, gəmidə xəsarət alan olmayıb və naviqasiya pozulmayıb. Oraya kömək üçün iki yedək gəmisi göndərilib.
Qeyd edək ki, Vanuatu Melaneziyada bir dövlətdir. Sakit Okeanın cənub-qərbində yerləşir.
Milli.Az
Xəbərlərimizi WhatsApp kanalımızdan da oxuyun