Azərbaycan Respublikasının xarici işlər naziri Ceyhun Bayramov və İtaliya Respublikasının Baş nazirinin müavini, xarici işlər və beynəlxalq əməkdaşlıq naziri Antonio Tajani BMT Baş Assambleyasının 79-cu sessiyası çərçivəsində görüş keçiriblər.
Bu barədə Milli.Az-a Azərbaycan Xarici İşlər Nazirliyinin "X" hesabına istinadən xəbər verir.
Görüşdə Azərbaycan və İtaliya arasında siyasi, iqtisadi, ticarət, enerji və təhlükəsizlik sahələrində çoxtərəfli əməkdaşlığın möhkəmləndirilməsi perspektivləri müzakirə olunub. Tərəflər, eyni zamanda, COP29-un sədrliyi çərçivəsində mümkün əməkdaşlıq sahələri və işğaldan azad edilmiş ərazilərin bərpası səyləri ilə bağlı fikir mübadiləsi aparıblar.
Milli.Az
Xəbərlərimizi WhatsApp kanalımızdan da oxuyun