00:02
"Ötən gün sosial şəbəkə və mediada yayılan görüntülər haqda məlumatlıyıq. Bu, iddia olunduğu kimi, kosmik cisim deyil".
Milli.Az xəbər verir ki, bu barədə axar.az-ın sorğusuna cavab olaraq Nəsirəddin Tusi adına Şamaxı Astrofizika Rəsədxanasından bildirilib.
"Sumqayıt səmasında ötən gün görünənlər kosmik obyekt deyil, işıq əks-etməsidir. Küçədəki işıq dirəkləri də ola bilər. Çünki həmin işığın fokusu yoxdur, arakəsmələr də dəyişmir", - açıqlamada vurğulanıb.
Qeyd edək ki, ötən gün Sumqayıt səmasında görünən işıqlar sosial şəbəkələrdə müzakirə yaradıb.
------------
19 sentyabr
Bu gün axşam saatlarında Sumqayıt səmasında qeyri-adi hadisə baş verib.
Milli.Az axar.az-a istinadən xəbər verir ki, bu barədə sosial şəbəkələrdə video yayılıb.
İddia edilib ki, səmada alov şarları və partlayış səsləri eşidilib.
Deyilənlərə görə, havada fırlanan iki böyük şardan yerə qırıntılar da tökülüb. Bir çoxları bunu UNO-larla və ya meteorla əlaqələndirib.
Milli.Az
Xəbərlərimizi WhatsApp kanalımızdan da oxuyun