Təmizlik vasitələrinin qiymətində artım müşahidə olunub.
Belə ki, alıcılara 49 manata qabyuyan vasitə, 37 manata isə yuyucu toz təklif olunur.
Alıcılar da sözügedən vasitələrin qiymətində artım olduğunu təsdiqləyiblər. Onların sözlərinə görə, hər məhsul ən az 40-50 qəpik bahalaşıb.
İqtisadçı-ekspert Xalid Kərimlinin sözlərinə görə, təmizlik vasitələrinin bahalaşmasının əsas səbəblərindən biri bu məhsulların əksəriyyətinin xaricdən ölkəyə idxal edilməsidir.
Ekspert bildirib ki, qiymətləri Antiinhisar və İstehlak Bazarına Nəzarət Dövlət Xidməti tənzimləməlidir.
Milli.Az bildirir ki, məsələ ilə bağlı "Xəzər Xəbər" sözügedən qurumla əlaqə saxlayıb. Qurum əvvəlcə cavab verəcəyini desə də, sualları və zəngləri cavabsız qoyub.
Ətraflı süjetdə:
Milli.Az
Xəbərlərimizi WhatsApp kanalımızdan da oxuyun