Astrologiyaya görə, bəzi bürclər tək qalmağı sevmirlər və subay olmaq onlar üçün kabus kimidir.
Bu bürclər münasibətlərdə özlərini təhlükəsiz hiss edir. Tənhalıqdansa, həyatı həyat yoldaşı ilə paylaşmağa üstünlük verir. Onların sosial və emosional strukturları onları həmişə birlik axtarışında saxlayır.
Milli.Az baku.ws-ə istinadən yalnızlıqdan qaçan və subaylığı sevməyən üç bürcü təqdim edir.
Buğa
Buğa, həyatında sabitlik və təhlükəsizlik axtaran bir bürcdür. Buna görə də romantik münasibətlərdə sədaqət və qalıcı bağlar onlar üçün çox vacibdir.
Buğalar subay olduqları zaman özlərini güvənsiz hiss edə bilər və bu boşluğu doldurmaq üçün əlaqəyə ehtiyac duyurlar. Sevgi dolu və şəfqətli təbiətləri ilə uzun müddət tək qalmaq onlar üçün çətindir. Buğa, uyğun tərəfdaş tapdığı zaman dərin bağlılıq nümayiş etdirir.
Xərçəng
Xərçənglər emosional təbiətləri və yaxınlarına sədaqətləri ilə tanınırlar. Ailələrinə və münasibətlərinə bağlı olan bu bürc tək qalmağı sevmir. Onlar subay olanda özlərini natamam hiss edə və partnyorda emosional məmnunluq tapmağa çalışa bilərlər.
Xərçənglərin özlərini təhlükəsiz hiss etmələrini təmin edən münasibətə ehtiyacları var və tanışlıq onlar üçün ciddi bir prosesdir. Romantik tərəfdaş tapmaq onların həyatlarında tarazlığı qorumağın bir yoludur.
Tərəzi
Tərəzilər həyatlarında tarazlıq və harmoniya axtarırlar, ona görə də tənhalıq onlar üçün çətin bir prosesdir. Sosial və münasibət yönümlü Tərəzilər subay olduqları zaman daxili bir boşluq hiss edə bilərlər. Münasibətlər Tərəzilər üçün həyatın vacib hissəsidir və onlar tənha qalmamaq üçün daim flört etməyə meyllidirlər. Tərəfdaşları ilə harmonik tarazlıq yaratmaq Tərəziləri xoşbəxt və dinc hiss etdirir.
Milli.Az
Xəbərlərimizi WhatsApp kanalımızdan da oxuyun