Həştərxan vilayətinin (Rusiya) əhalisi 2024-cü ilin birinci yarısında 2 208 nəfər azalıb.
Milli.Az oxu.az-a istinadən xəbər verir ki, bu barədə sentyabrın 15-də Astraxanstat dövlət portalında məlumat verilib.
Rayonda əhalinin təbii azalması davam edir. Yanvar-iyun aylarında 4 528 uşaq doğulub, bu da ötən ilin müvafiq dövrü ilə müqayisədə 102 uşaq çoxdur. Bununla belə, ölüm doğum nisbətini üstələyib. 5 773 Həştərxan sakini ölüb ki, bu da bir il əvvəlkindən 118 nəfər çoxdur. Beləliklə, təbii azalmanın nəticəsində əhalinin sayı 1 245 nəfər azalıb.
Miqrasiya vəziyyəti də əlverişsiz olub. 2024-cü ilin altı ayı ərzində bölgəni gələnlərdən 963 nəfər çox tərk edib. Miqrasiyanın əsas hissəsi əhalinin Rusiyanın digər regionlarına köçməsi ilə bağlıdır. Eyni zamanda, MDB ölkələrindən gələn miqrantların, əsasən də əmək miqrantları və tələbələrin sayı artıb: 510 nəfər gedib, 838 nəfər gəlib.
Qeyd edək ki, Həştərxan vilayəti Xəzərin şimal sahillərində yerləşir. 2024-cü il yanvarın 1-nə olan məlumata görə, Həştərxan vilayətində 946.429 nəfər yaşayırdı.
Milli.Az
Xəbərlərimizi WhatsApp kanalımızdan da oxuyun