Türkiyədə bələdiyyə "Recep İvedik"in Muğladakı evini möhürlədi

15 Sentyabr 2024 20:41

Türkiyənin məşhur komediya ustası, daha çox "Recep İvedik" rolu ilə tanınan aktyor Şahan Gökbakarın Muğladakı evi və yaxınlıqda əlavə bir neçə tikilisi bələdiyyə əməkdaşları tərəfindən möhürlənib.

Oxu.az bu barədə IHA-ya istinadən xəbər verir.

Bildirilib ki, Ətraf Mühit, Şəhərsalma və İqlim Dəyişikliyi Nazirliyinin əməkdaşları tərəfindən aparılan araşdırmadan sonra evin və əlavə tikililərin qanunsuz olduğu müəyyən edilib, bu səbəbdən protokol tərtib edilib.

Marmaris bələdiyyəsindən verilən açıqlamada qanunsuz tikililərə qarşı ciddi addımlar atıldığı və bundan sonra da qanunların tələblərinə uyğun olaraq lazımi tədbirlərin görüləcəyi bildirilib.

Milli.Az
​Xəbərlərimizi WhatsApp kanalımızdan da oxuyun