Rusiya qoşunları Kursk vilayətində genişmiqyaslı əks-hücum əməliyyatına başlayıb.
Milli.Az APA-ya istinadən bildirir ki, bu barədə yerli media məlumat yayıb.
Bildirilib ki, Rusiya hərbçiləri artıq Ukrayna Silahlı Qüvvələrini Qordeevka kəndindən çıxarıb. Ümumilikdə 24 saat ərzində 10 km-dən çox ərazinin azad edildiyi qeyd olunub.
"Əməliyyatı 155-ci dəniz piyadalarının əsgərləri həyata keçirib. Qordeyevkaya dörd tərəfdən daxil olublar: Korenevo, Kulbaki, Martınovka kəndləri, həmçinin Neçayev kəndindən Ukrayna qoşunları sıxışdırılıb. Nəticədə Ukrayna Silahlı Qüvvələri ağır itkilərlə geri çəkilib.
Bu dəqiqələrdə Rusiya Silahlı Qüvvələri Apanasovka və Martınovka ərazilərində irəliləyir. Sudjanski rayonu ərazisinin azad edilməsi əməliyyatı davam edir", - deyə məlumatda bildirilib.
Milli.Az
Xəbərlərimizi WhatsApp kanalımızdan da oxuyun