ABŞ-li milyarder İlon Mask prezident yarışından çıxdığını bildirən Co Baydenin hələ də ölkəyə rəhbərlik etdiyini daim unudur.
Milli.Az oxu.az-a istinadən xəbər verir ki, o bu barədə özünün "X" sosial şəbəkə hesabında bildirib.
"Mən daim unuduram ki, texniki olaraq Bayden hələ də ölkəyə rəhbərlik edir", - deyə sahibkar yazıb.
Mask Respublikaçılar Partiyasından prezident seçkisində iştirak edən keçmiş ABŞ lideri Donald Trampı dəstəkləyir və müntəzəm olaraq Ağ Evin hazırkı sahibinin fəaliyyətini tənqid edir. Əvvəllər Mask ABŞ-ni, ümumiyyətlə, heç kimin idarə etmədiyini bildirib, həmçinin Baydeni qeyri-qanuni miqrasiya problemini həll edə bilməməkdə günahlandırıb.
Qeyd edək ki, ölkədə prezident seçkisi noyabrın 5-də keçiriləcək. Güman edilirdi ki, Demokratlar Partiyasını bu seçkidə Co Bayden təmsil edəcək. Lakin onun iyun ayında Trampla keçirilən debatlardakı uğursuz çıxışından sonra o, namizədliyini geri götürüb və ABŞ vitse-prezidenti Kamala Harrisin namizədliyini dəstəkləyib. Harrisi Çikaqoda keçirilən Demokratlar Partiyasının qurultayının nümayəndələri rəsmi olaraq ABŞ prezidentliyinə namizəd kimi təsdiqləyiblər.
Milli.Az
Xəbərlərimizi WhatsApp kanalımızdan da oxuyun