Dostoyevskinin nəticəsi vəfat etdi

5 Sentyabr 2024 13:45

Sankt-Peterburqda (Rusiya) yazıçı Fyodor Dostoyevskinin nəticəsi Dmitri Dostoyevski 79 yaşında vəfat edib.

Milli.Az oxu.az-a istinadən xəbər verir ki, bu barədə mərhumun yaxınları onun sosial şəbəkə səhifəsində məlumat veriblər.

"Əziz dostlar, dostlarımızın dostları və Dmitri Andreyeviçin izləyiciləri! Bu gün babamız dünyasını dəyişdi", - deyə onlar yazıblar.

Qeyd edək ki, Dmitri Dostoyevski 1945-ci ildə anadan olub. Həyatı boyunca təxminən 20 peşə dəyişib. O, iddia edirdi ki, bu müxtəlif bacarıqlara canatma ona məşhur əcdadından miras qalıb.

Milli.Az
Xəbərlərimizi WhatsApp kanalımızdan da oxuyun