Belarus Prezidenti Aleksandr Lukaşenko nüvə silahından istifadənin mümkünlüyündən danışıb.
Milli.Az teleqraf.com-a istinadən bildirir ki, o, bununla bağlı Qərb ölkələrinə qırmızı xətti göstərib.
Belarus liderinin sözlərinə görə, bu, yalnız ən ekstremal halda mümkündür. Məsələn, Birlik Dövlətinin (Rusiya-Belarus) sərhədləri keçilərsə.
"Burada taktiki nüvə silahları meydana çıxanda mən onlara (Qərb ölkələri - red.) birbaşa söylədim ki, siz bizim dövlət sərhədimizə ayaq basmayınca, biz heç bir silahdan istifadə etməyəcəyik. Bu, həm də bizim Birlik Dövlətimizin sərhədinə aiddir", - Lukaşenko vurğulayıb.
Prezident əlavə edib ki, Qərbdə onu "pis" adlandırırlar və nədənsə onun Rusiyanın Belarus ərazisində yerləşdirdiyi taktiki nüvə silahlarından "mütləq" istifadə edəcəyinə əmindirlər.
Milli.Az
Xəbərlərimizi WhatsApp kanalımızdan da oxuyun