Braziliya millisinin sabiq futbolçusu Ziko Olimpiya nümayəndə heyətinin tərkibində gəldiyi Parisdə qarət edilib.
Milli.Az publika.az-a istinadən xəbər verir ki, hadisə ötən gecə baş verib. 71 yaşlı əfsanə taksinin arxa oturacağına əşyaları olan portfel qoyub. Bundan sonra taksi sürücüsünün diqqətini naməlum şəxs yayındırıb və onun şəriki bundan istifadə edərək Zikonun əşyalarını oğurlayıb.
Portfelin məzmunu 500 min avro dəyərində qiymətləndirilir. İçərisində "Rolex" saatı, zinət əşyaları və pul olub. Polis araşdırmalara başlayıb və cinayətkarları axtarılır.
"Ağ Pele" ləqəbli Ziko 1980-ci illərdə Braziliyanın ən yaxşı oyunçularından biri olub.
Qeyd edək ki, bu gün Fransanın paytaxtında Yay Olimpiya Oyunlarının açılış mərasimi keçiriləcək.
Milli.Az
Xəbərlərimizi WhatsApp kanalımızdan da oxuyun