Mordoviya Respublikasında polis əməkdaşları əslən azərbaycanlını Rusiya vətəndaşlığından məhrum ediblər. Rusiya Daxili İşlər Nazirliyinin Saransk şəhərindəki 4 saylı polis idarəsinin miqrasiya bölməsinin əməkdaşları onun Rusiya Federasiyası vətəndaşı olan və beynəlxalq pasportularını müsadirə ediblər.
Milli.Az lent.az-a istinadən bildirir ki, o, hərbi qeydiyyatdan keçmədiyi üçün vətəndaşlıqdan məhrum edilib. Bildirilir ki, kişi qeydiyyatdan keçməməklə milli təhlükəsizliyə təhdid yaradıb və başqalarını da buna sövq edib.
Həmin şəxs hərbi komissarlığa gələrkən həvəskar videoya çəkilib. Görüntülərdə həyat yoldaşı ərinin hərbi qeydiyyata alınmasına qarşı çıxaraq şöbə əməkdaşları ilə üz-üzə gəlir.
Qeyd olunur ki, "Rusiya Federasiyasının vətəndaşlığı haqqında" qanun 2023-cü ilin aprel ayından qüvvədədir. Mordoviya üçün bu qeyd olunan qanun əsasında ilk vətəndaşlıqdan məhrumetmə hadisəsidir.
Milli.Az
Xəbərlərimizi WhatsApp kanalımızdan da oxuyun