Macarıstan Baş naziri Viktor Orban Ukrayna, Rusiya və Çinə səfərindən sonra AB liderlərinə özünün sülhməramlı missiyasının nəticələri və Budapeştin sülh təklifləri barədə məlumat verib.
Milli.Az axar.az-a istinadən xəbər verir ki, bu barədə Macarıstanın baş nazirinin siyasi məsələlər üzrə müşaviri Balaz Orban deyib.
O qeyd edib ki, Orbanın planı indi hər bir AB liderinin masasındadır:
"Baş nazirin Kiyev və Moskvaya səfərlərindən aydın oldu ki, Ukrayna və Rusiyanın döyüşməkdə qərarlıdırlar. Xarici vasitəçilərin müdaxiləsi olmadan, təəssüf ki, yaxın aylarda çox ciddi dağıntılar görəcəyik".
O bildirib ki, Macarıstan potensial vasitəçilər - Çin, Türkiyə və Donald Trampla danışıqlara başlayıb:
"Ancaq avropalılar və indiki ABŞ administrasiyası müharibənin davam etdirilməsinin tərəfdarıdır".
Xatırladaq ki, Orbanın sülh planında nələr olduğu açıqlanmayıb.
Milli.Az
Xəbərlərimizi WhatsApp kanalımızdan da oxuyun