"Mançester Yunayted"in keçmiş müdafiəçisi və hazırda futbol eksperti olan Rio Ferdinand İngiltərə millisinin hücumçusu Bukayo Sakanın Avro-2024-dəki oyununu qiymətləndirib.
Milli.Az The Sun-a istinadən bildirir ki, R.Ferdinand deyib: "Onda hər şey çox pozitiv görünür. Onu yalnız futboluna görə deyil, həm də şəxsiyyətinə və xarakterinə görə sevməmək mümkün deyil.
Hətta deyərdim ki, o, İngiltərənin ən vacib oyunçusudur, çünki o, hamıdan çox fərqlənir. O, insanların üzərinə qaçan, onları bir-birinə qatan və arxalarına keçən bir oyunçudur. Son matçda o, cinah müdafiəçisi mövqeyində oynayırdı, amma o, vingerdir. O, çox istedadlı oyunçudur".
Avro-2024-ün yarımfinalında İngiltərə milli komandası Niderland milli komandası ilə qarşılaşacaq.
Milli.Az