Ermənistan Baş naziri Nikol Paşinyan Məsud Pezeşkiana İran prezidenti seçilməsi münasibətilə təbrik ünvanlayıb.
Milli.Az axar.az-a istinadən bildirir ki, bu barədə Ermənistan hökuməti məlumat yayıb.
Paşinyan Ermənistan hökuməti və xalqı üçün "qardaş İran İslam Respublikası ilə əlaqələrin" xüsusi məna ifadə etdiyini bildirib:
"Ermənistan və İran arasında isti münasibətlərin daim dərinləşməsi həm ikitərəfli əməkdaşlıq, həm də regional sabitlik və rifah kontekstində xüsusi əhəmiyyət kəsb edir".
Baş nazir Ermənistan və İran hökumətlərinin əldə olunmuş razılaşmaları həyata keçirəcəyinə, həmçinin bir sıra yeni layihələrə başlayacağına əminliyini ifadə edib.
Milli.Az
Xəbərlərimizi WhatsApp kanalımızdan da oxuyun