ABŞ Ermənistanda yeni AES inşa edəcək.
Milli.Az Trend-ə istinadən xəbər verir ki, bu barədə Ermənistanın "Hraparak" qəzeti yazıb.
Belə ki, aprelin 5-də Avropa Komissiyasının Prezidenti Ursula Fon der Lyayen, Aİ-nin ali nümayəndəsi və vitse-prezidenti Cozep Borrel, ABŞ-ın dövlət katibi Antoni Blinken, USAİD-in rəhbəri Samanta Pauer və Ermənistan baş naziri Nikol Paşinyan Brüsseldə görüşündə ABŞ-nin Ermənistanda enerjinin şaxələndirilməsini təmin edəcəyi və modul tipli atom elektrik stansiyası (AES) inşa edəcəyi barədə dərc olunmamış razılaşma əldə olunub.
Nəşr yazır ki, razılaşmaya əsasən AES bağlanmalıdır, lakin yenisinin inşa olunacağına dair heç bir zəmanət yoxdur.
"Qərb mülki həyatda demək olar ki, istifadə olunmayan modul tipli AES inşa etməyə çağırır. Bu cür AES-lər isə hərbi bazalar üçün inşa olunur", - nəşr yazıb.
Milli.Az
Xəbərlərimizi WhatsApp kanalımızdan da oxuyun