17:26
Bu gün Mərkəzi Seçki Komissiyasının (MSK) iclasında "Azərbaycan Respublikasının Milli Məclisinə növbədənkənar seçkilərin hazırlanıb keçirilməsi üzrə əsas hərəkət və tədbirlərin Təqvim Planı" müzakirəyə çıxarılıb.
Milli.Az Trend-ə istinadən xəbər verir ki, məsələ barədə MSK katibi Arifə Muxtarova məlumat verib.
İclasda "Azərbaycan Respublikasının Milli Məclisinə növbədənkənar seçkilərin hazırlanıb keçirilməsi üzrə əsas hərəkət və tədbirlərin Təqvim Planı" müzakirə olunaraq təsdiqlənib.
------------
16:08
Mərkəzi Seçki Komissiyasının (MSK) növbədənkənar parlament seçkiləri ilə əlaqədar ilk iclası başlayıb.
Milli.Az Trend-ə istinadən xəbər verir ki, iclasın gündəliyinə "Azərbaycan Respublikasının Milli Məclisinə növbədənkənar seçkilərin hazırlanıb keçirilməsi üzrə əsas hərəkət və tədbirlərin Təqvim Planı"nın qəbul edilməsi, MSK-nın nəzdində ekspert qrupu və işçi qrupunun yaradılması daxildir.
Qeyd edək ki, Prezident İlham Əliyev altıncı çağırış Azərbaycan Respublikası Milli Məclisinin buraxılması və Azərbaycan Respublikasının Milli Məclisinə növbədənkənar seçkilərin təyin edilməsi haqqında sərəncam imzalayıb.
Azərbaycan Respublikasının Milli Məclisinə növbədənkənar seçkilər 2024-cü il sentyabrın 1-nə təyin edilib.
Milli.Az
Xəbərlərimizi WhatsApp kanalımızdan da oxuyun