Tesla korporasiyası Optimus Gen 2 robotlarının qiymətini açıqlayıb.
Milli.Az sfera.az-a istinadən xəbər verir ki, investor görüşü zamanı şirkət rəhbərləri Optimus Gen 2 robotunun istehsal dəyərinin 10 000 dollar olacağını açıqlayıblar.
Korporasiyanın rəhbəri İlon Maskın sözlərinə görə, münasib qiymətləri saxlamaq üçün Tesla robotların kütləvi istehsalına başlamalı olacaq. Şirkət ilk növbədə istifadəçilərə humanoid icarəyə götürməyi təklif edəcək. Optimus Gen 2-nin tam satışı 2028-2030-cu illərdə başlayacaq.
Tesla robotu 10 kiloqram çəkiyə, 11 dərəcə sərbəstliyə malik manipulyatorlara, sensorlar və müxtəlif mexanizmlərə, robot ayaqlara malikdir. Maşınları süni intellektə (AI) əsaslanaraq müxtəlif vəzifələri yerinə yetirmək üçün də öyrətmək olar. Tesla robotlardan öz istehsalında istifadə edəcək - korporativ rəhbərlərin fikrincə, 2030-cu ilə qədər Optimus fabriklərdə çalışan işçilərin təxminən 60 faizini əvəz edəcək.
Milli.Az
Xəbərlərimizi WhatsApp kanalımızdan da oxuyun