Günün yuxuyozması
19 İyun 2012 06:00
Milli.Az Vanqa, Miller, Freyd, Nostradamus, Loff və digər müəlliflərin kitablarına əsasən, yuxunuzu yozmağa çalışacaq.
Alma ağacı - təşəbbüsünüz baş tutacaq, çiçəklənən ağac - yaxşı xəbərlərə işarədir.
Elektroşok - Yuxuda elektroşok və digər enerji növləri bir qayda olaraq tabu sərhədini keçmək cəhdi ilə bağlıdır. Nəzərə almaq lazımdır ki, enerji qeyri-ənənəvi mənbələrdən çıxa bilər (məsələn, səsboğan qurğusu olan tapança, gərginlikli dəmir simdən hasar) və yuxunun digər personajı tərəfindən sizə qarşı yönəldilmiş güc.
Hasar - Yuxuda hasara qalxmaq mühüm bir işin uğurla başa çatacağına işarədir. Əgər hasardan yıxılmısınızsa, bu yuxu sizin öhdəsindən gələ bilməyəcəyiniz işə baş qoşacağınıza və uğursuzluğa düçar olacağınıza işarədir. Yuxuda dostlarınızla hasara dırmaşarkən o, qəflətən uçursa, bu pis əlamətdir, yaxınlarınızdan birinin başına pis iş gələcəyinə işarədir. Əgər hasar qoyursunuzsa, bu yaxşı əlamətdir: sizə fəal işlər və firavanlıq gözlənilir.
Daş-qaş - Yuxuda daş-qaş görmək məmnunluq və zənginlik deməkdir. Özündə onları görmək şöhrətpərəstliyə işarədir. Başqalarında onu görmək siz və ya dostlarınızın qazanacağı şöhrətə işarədir. Yuxuda daş-qaşla bəzənmiş paltar görmək nadir tapılan uğura işarədir. Əgər yuxuda daş-qaş sizə miras qalıbsa, bu, maddi vəziyyətinizin yaxşılaşacağına işarədir. Yuxuda sizə daş-qaş hədiyyə olunubsa, bu sizin hazırkı vəziyyətinizi təhlükə altında qoyur. Gənc qadın yuxuda daş-qaş hədiyyə alıbsa, onu arzuolunan evlilik gözləyir. Əgər qadın daş-qaşını itiribsə, bu o deməkdir ki, onu çaşqınlığa salan insanlarla qarşılaşacaq. Daş-qaş tapmaq - maraqlandığınız işlərdə tezliklə parlaq uğur əldə edəcəksiniz. Onları almaq bir çox işlərdə, xüsusilə ürək məsələlərində böyük uğur vəd edir.
Şampan şərabı - içmək ətrafdakılarla öz münasibətlərinə görə fiaskoya uğramaq deməkdir. Adamlardan istəmədiklərini sizə verməyi tələb etmək olmaz. Siz özünüz onlarla mehriban olmalısınız, onda eyni cavabı alacaqsınız. Üzərinizə şampan şərabı tökürlərsə - başqa adamların hərəkətlərindən narazılıq sizə yaxşı heç nə veməyəcək. Şampan şüşəsini açdığını görmək, günahınız ucbatından yaxın vaxtlarda baş verəcək mübahisə barədə xəbərdar edir. Bu mabahisə sizi kifayət qədər nüfuzlu adamın etibar və dəstəyindən məhrum edə bilər.
Milli.Az