Bu ilin yanvar-may aylarında Azərbaycana 965 556 xarici vətəndaş səfər edib.
Milli.Az bu barədə Dövlət Turizm Agentliyinə istinadən xəbər verir. Bu, 2023-cü ilin eyni dövrü ilə müqayisədə 35 % çoxdur.
Təkcə may ayında ölkəyə 239 272 nəfər gəlib. Bu da ötən ilki göstəriciyə nisbətən 26 % çoxdur.
Məlumata görə, may ayında Azərbaycana ən çox turist 68,8 min nəfər olmaqla Rusiyadan gəlib. İkinci yerdə Türkiyə 37,5 min, Hindistan isə 29,7 min turist olmaqla ilk üçlükdə qərarlaşıb.
Bu dövrdə İrandan 19,4 min, Gürcüstandan 8,7 min, Qazaxıstandan 6,9 min, Səudiyyə Ərəbistandan 6,6 min, Pakistandan 5,8 min, Çindən 4,7 min, Özbəkistandan 3,9 min, İsraildən 3,3 min, Ukraynadan 3,2 min, Koreya Respublikasından 2,9 min, Türkmənistandan 2,8 min, Belarusdan isə 2,7 min turist gəlib.
Milli.Az
Xəbərlərimizi WhatsApp kanalımızdan da oxuyun