«Eurovision-2010» başladı

24 May 2010 10:09

Milli.Az RİA "Novosti"yə istinadən xəbər verir ki, tədbiri açan Oslo meri Fabian Steng hər kəsi rəhbərlik etdiyi şəhərdə görməkdən məmnun olduğunu bildirib. Müsabiqədə iştirak edəcək nümayəndə heyətlərinə üzünü tutan Steng deyib: "Ümid edirik ki, bu müsabiqə bizim birliyimizin rəmzi olacaq. Qoy güclü qalib gəlsin!"
Müsabiqəyə qatılacaq nümayəndə heyətləri əlifba sırası ilə qırmızı xalçanın üzəri ilə addımlayaraq, açılış mərasiminin keçirildiyi binaya daxil olub. Tədbirdə "Eurovision" müsabiqəsinin icraçı direktoru Svante Stokselius da çıxış edib.

Milli.Az