"Space" televiziyasının canlı efirində gözlənilməz hadisə yaşanıb.
Milli.Az bizim.media-ya istinadən bildirir ki, "31 mart Azərbaycanlıların Soyqırım Günü"nə həsr olunan "1918-ə gedən yol" verilişində qonaq olan yaşlı alimin canlı efirdə qəfil halı pisləşib.
Sözügedən proqramın aparıcısı Amil Xəlil alimə sual verərkən özünü pis hiss edib. Bunu görən Amil dərhal alimin yanına gələrək onu yıxılmaqdan qoruyub.
Alimin huşunu itirdiyini görən aparıcı məcburən reklamlara keçid alıb.
5 dəqiqə reklam fasiləsindən sonra canlı efir öz yayımını davam etdirib. Amil alimin özünü yaxşı hiss etdiyini bildirib.
Milli.Az
Xəbərlərimizi WhatsApp kanalımızdan da oxuyun