Gədəbəy rayonuna güclü qar yağıb.
Milli.Az APA-ya istinadən xəbər verir ki, günortadan yağmağa başlayan qar axşama doğru daha da intensivləşib.
Qar örtüyünün qalınlığı rayon mərkəzində 5-10 sm-ə, ucqar kəndlərdə isə 15-20 sm-ə çatır. Qarlı hava şəraiti rayonun mərkəzi, o cümlədən dağ yollarında avtomobillərin hərəkətində çətinlik yaradıb. Bir neçə avtomobil yolda qalıb. Əraziyə DYP əməkdaşları cəlb olunub. Hazırda müvafiq qurumlar tərəfindən nəqliyyat vasitələrinin hərəkətinin bərpası üçün tədbirlər görülür.
Milli.Az
Xəbərlərimizi WhatsApp kanalımızdan da oxuyun