"Navalnının ölümündə Vaşinqton və Brüssel günahkardır".
Milli.Az qafqazinfo-ya istinadən xəbər verir ki, bunu Rusiya Dövlət Dumasının sədri Vyaçeslav Volodin öz teleqram kanalında yazıb.
Onun sözlərinə görə, rusiyalı siyasətçinin ölüm səbəbini məhkəmə-tibb sahəsinin ekspertləri və istintaq müəyyən edəcək.
"Nəticələri gözləmədən, siyasətçilərin və qeyri-dost ölkələrin rəhbərlərinin ittiham və açıqlamaları səsləndiyi bir zamanda, əvvəlcə bu suala cavab vermək lazımdır: Bu gün Navalnının ölümü kimə sərf edir? Onların soyadları yaxşı məlumdur. NATO-nun Baş katibindən və ABŞ rəhbərliyindən tutmuş, Şolts, Sunak və Zelenskiyə qədər, onlar Navalnının ölümünün günahkarlarıdır. Onun ölümü məhz onlara sərfəlidir", - deyə Volodin qeyd edib.
Xatırladaq ki, 47 yaşlı rusiyalı siyasətçi Aleksey Navalnı fevralın 16-sı xüsusi rejimli cəzaçəkmə müəssisəsində vəfat edib. Hazırda onun ölüm səbəbi araşdırılır.
Milli.Az
Xəbərlərimizi WhatsApp kanalımızdan da oxuyun