"Group-IB" informasiya təhlükəsizliyi şirkəti "iOS" əməliyyat sistemi üçün hazırlanmış "GoldPickaxe.iOS" adlı yeni virus aşkar edib.
Milli.Az oxu.az-a istinadən bildirir ki, o, üzün tanınması, şəxsiyyət vəsiqəsi, SMS məlumatlarını və qurbanların bank hesablarını sındırmaq üçün istifadə edilə bilən digər məlumatları oğurlaya bilir.
Qeyd olunur ki, virus əvvəllər "Android" əməliyyat sistemi üçün hazırlanmış "GoldDigger" ailəsinə aiddir. Tətbiq "Apple" servisindən silindikdən qısa müddət sonra fırıldaqçılar onu korporativ cihazları idarə etmək və konfiqurasiya etmək üçün istifadə olunan MDM profili vasitəsilə yaymağa başlayıblar.
"Group-IB"nin məlumatına görə, virus qurbanlarının əksəriyyəti Vyetnam və Tailanddandırlar, lakin onun təsirindən digər ölkələrdən olan istifadəçilər də zərər çəkə bilərlər. Mütəxəssislər artıq müəyyən edilmiş problemlə bağlı "Apple" şirkətini məlumatlandırıblar.
Milli.Az
Xəbərlərimizi WhatsApp kanalımızdan da oxuyun