Ötən il "Uşaq qaynar xətti"nə 4453 müraciət daxil olub. Zənglər əsasən 10-18 yaşarası olanlardan gəlib.
Milli.Az Xəzər TV-yə istinadən bildirir ki, bunu Ümidli Gələcək Sosial Təşəbbüslər İctimai Birliyinin icraçı direktoru Kəmalə Aşumova deyib.
O bildirib ki, müraciətlərin çoxu, 1125 zəng zorakılıq faktı ilə bağlı olub.
Onun sözlərinə görə, ölkədə uşaqların problemləri daha çox valideyn sevgisinin göstərilməməsi, həmçinin təhsil aldığı müəssisə ilə valideyn arasında düzgün əməkdaşlığın qurulmamasından qaynaqlanır.
Fəaliyyətə başladığı 2010-cu ildən bəri 72000-dən çox müraciətin daxil olduğu "Uşaq qaynar xətt"inin yaradıcısı deyib ki, günahkar uşaq yoxdur. Əsasən böyüklərin təzyiqlərindən təsirlənib müxtəlif problemlərlə üz-üzə qalan uşaqlar var.
Mövzu ilə bağlı daha ətraflı videomaterialı təqdim edirik:
Milli.Az
Xəbərlərimizi WhatsApp kanalımızdan da oxuyun