Müstəqil Dövlətlər Birliyinin (MDB) Parlamentlərarası Assambleyasının (PA) Azərbaycanda keçiriləcək növbədənkənar Prezident seçkilərində beynəlxalq müşahidəçilər qrupunun koordinatoru Qazaxıstan parlamentinin Senat sədrinin müavini Jakıp Asanov təyin olunub.
Milli.Az Trend-ə istinadən bildirir ki, müvafiq sərəncam MDB Parlamentlərarası Assambleyanın sədri, Rusiya Federasiyası Federal Məclisinin Federasiyası Şurası Valentina Matvienko imzalayıb.
J.Asanovun namizədliyini Qazaxıstan parlamentinin Senatı irəli sürüb.
Qeyd edək ki, 2024-cü il fevralın 7-də Azərbaycanda növbədənkənar Prezident seçkiləri keçiriləcək. Bu günə qədər 17 nəfər prezidentliyə namizədliyinin irəli sürülməsinin təsdiqlənməsi üçün müraciət edib.
Milli.Az
Xəbərlərimizi WhatsApp kanalımızdan da oxuyun