Ağır çəkidə WBC kəmərinin sahibi Tayson Fyuri (34-0-1, 24 KO) qaçış məşqindən sonra qısa bir video paylaşaraq WBA, WBO, IBO və IBF çempionu Aleksandr Usikə (21-0, 14 KO) mesaj göndərib.
Milli.Az publika.az-a istinadən xəbər verir ki, Tayson Usiki hədələyərək onu nokauta göndərməyi səbirsizliklə gözlədiyini bildirib.
"Lənət olsun. Morkamedə böyük qaçış günü. İrəli! Bu asan idi. Dovşan Usikin üzünü dağıdacağam. Faydasız bir axmaq", - Fyuri deyib.
Daha əvvəl Usik Fyurinin onu niyə "dovşan" adlandırdığını açıqlamışdı.
Usik-Fyuri döyüşü fevralın 17-də Səudiyyə Ərəbistanında keçiriləcək.
Milli.Az
Xəbərlərimizi WhatsApp kanalımızdan da oxuyun